யாதுமானாய்

நெடும்தவத்திற்கான வரம் அடையும்
பட்டாம்பூச்சியாய் மாறிவிட ஆசை,
உன் மௌனக்கூட்டை உடைக்கவாவது...

______

உனக்காக இயற்றப்படுவதை உணரா கவிதை

வீழ்ந்து மடிந்தது குப்பை தொட்டிக்குள்...

______

யாவிலும் நல்லவற்றயே காண வேண்டும்...

ஆதலால் நான் உன்னையே காண்கிறேன்...

______

நித்தமும்,
உனைத் தேடி அலைபாயும்,

என் இரு விழிகள்,

இமை சோரும் முன்...

உயிர் சேர வா...
______

உன் ஓரப்பார்வை

உன் இதழ் விரியாப்புன்னகை போதும்

நான் பெண்ணென்பதை உணர்த்த...

நாணம் சட்டென்று குடி கொள்கிறதே என்னுள்...

______